Уникатниот спој на медитеранската и континенталната клима, вулканската почва и надморската височина од 700 метри каде што се простираат лозјата на Барово, претставуваат вистински катализатори за создавање на ова префинето вино. Лимон-жолтата боја со среден интензитет е карактеристична за овој комплексен совињон блан со нагласени ароми на зелено јаболко, лимета, лозарска праска, маракуја и лесни тревести ноти, зачинети со ванила и путерести ароми. На вкус може да се забележи кајсија, зачински бел пипер, тост и ванила, како и суптилна минерална соленост. Виното е добро избалансирано со лесно маслена текстура, како и долг и освежителен финиш.