Во рамки на „Мавровско-реканското културно лето“ што го организира Општина Маврово и Ростуше, во Ростуше се одржува манифестацијата „Питијада“.
Оваа е активност чија цел е промовирање на традиционалните мавровско-рекански јадења, посебно питите, како дел од напорите за развој на туризмот во овој, еден од најубавите краеви во државава.
Традиционална манифестација, која од година во година привлекува се поголем број посетители. И ова е дело на вредните раце на жените од реканскиот регион, што го научиле од нивните мајки и баби. Ваквите манифестации се со цел да се промовираат вредностите од реканскиот крај.
Дел од големиот број туристи од земјава и странство, имаат прилика да го посетат и водопадот ДУФ, а не изостанува и македонското оро со познатите дебарски зурли и тапани.
Настанот е проследен од видни гости, амбасадори во нашата земја, претставници на институции и граѓанскиот сектор, како и граѓани од соседните општини. Присуствуваат и голем број печалбари од реканскиот регион кои главно работаат во Италија, Германија и Швајцарија, а сега се на одмор во родниот крај.
